歐霸第3圈外圍賽次回合，芬蘭球隊赫爾辛基主場迎戰阿塞拜疆嘅卡拉巴克。卡拉巴克首回合領先2比1，今仗只要唔輸就可以晉級，踢法上肯定會偏向防守，務求保住領先優勢，半場和值博。 （周五凌晨零時開賽） 卡拉巴克防守有料到 卡拉巴克首回合憑新加盟嘅巴西前鋒祖連奴絕殺贏波，今仗目標就係唔輸，作客可以大安旨意死守。卡拉巴克防守能力唔差，尤其係上半場精力充沛嗰陣甚少犯錯，近6仗比賽上半場未失1球，對上5仗有4場半場都係開出0比0。 赫爾辛基要晉級嘅話今場非勝不可，不過佢哋入球能力唔高，上個月兩場歐聯外圍賽主場都係小勝1比0，只係落後1球情況下唔會急於搶攻，上半場會盡量消耗卡拉巴克球員體力，頭45分鐘好大機會陷入膠着，博半場和好路。