歐聯附加賽最激烈對決，燕豪芬主場再鬥格拉斯哥流浪。首回合燕豪芬追成2比2平手，今場必有惡鬥，兩隊主攻踢法製造唔少埋門，預計今仗亦會貫徹進攻戰術，博開3.5球入球大。（Now 643周四凌晨3時直播） 燕豪芬季前獲保斯取代雲尼斯達萊執教，踢法上繼續維持進攻足球，而且效率更高，近5場比賽都攻入至少2球，首回合有入波嘅射手盧克迪莊狀態極佳，新星路亞蘭治、巴卡約高等攻擊球員都交足貨，火力夠晒保證。 踢歐聯賽事例多波入 上屆燕豪芬就係喺歐聯附加賽，被格拉斯哥流浪以3比2淘汰，今仗當然想報一箭之仇，呢支荷甲勁旅對上6場歐聯賽事，有5場總入球開4球或以上，今仗仍然會製造大手交易。 另邊廂，格拉斯哥流浪上一圈總比數3比2險勝塞維特，領先後放棄進攻嘅策略幾乎出事，吸取教訓後，相信今仗會保持進取打法，同燕豪芬駁火，有利開「大」。