今晚法甲尾場，里昂主場硬撼衞冕嘅巴黎聖日耳門（PSG）。里昂今夏失血嚴重，仲有射手拿卡錫迪坐波監，實力大減；PSG王牌基利安麥巴比獲解凍，勢必火力全開，讓1/1.5球照捧上盤。（Now 638周一凌晨2時45分直播） 里昂上季季中由前法國主帥白蘭斯接手，今夏人腳變動頗大，重點栽培嘅新星巴古拉剛轉投PSG，士氣打擊甚大，最弊係拿卡錫迪今仗仲要坐波監，攻力受削下搞到聯賽仲未開齋。 「麥總」獲解凍交足貨 PSG今夏銳意重組，簽入奧士文尼迪比利及馬高阿辛斯奧等新兵，最重要係同麥巴比暫時和解，呢位法國隊長上仗對朗斯就梅開二度，證明國內無人能阻，對住殘陣嘅里昂，上盤有計。