非國盃C組加納對阿爾及利亞，加納今屆缺乏知名球星撐場之餘，更有隊長基恩患上瘧疾未能披甲，加上首仗對塞內加爾在領先之下，最終反輸收場認真洩氣。反觀阿爾及利亞陣容強大，士砵亭射手施利文尼、波圖前鋒巴謙美、華倫西亞中場菲侯利，皆屬高質素球員，連森多利亞後衞美斯巴都只能屈居後備，正選位置競爭激烈，有份落場必然搏命。阿爾及利亞首仗3比1擊敗南非，盡顯級數，今場小讓平半，上盤要得過。 （周六凌晨零時開賽） 塞內加爾夠贏南非 同組另一仗由南非對塞內加爾，塞軍鋒線人才濟濟，史篤城前鋒馬美迪奧夫上仗建功，表現非常Sharp醒，唔好忘記後備席上仲有紐卡素前鋒柏比斯施斯，佢上仗已經坐足全場，肯定餓波，若然今仗上陣勢必更落力數胡。南非上仗輸波，兼有中堅高薛傷出，形勢非常濕滯，今仗睇怕抵擋唔住塞內加爾豪華鋒線，客勝值得捧場。 （周六凌晨3時開賽）