英錦賽：盛傳易手 球員搏命保飯碗 雷丁大蝦細主勝有計_東方日報

今晚英錦標南部G組賽事，由於財政問題上季被扣分搞到跌落英甲嘅雷丁，主場迎戰英乙球隊史雲頓。雷丁本身實力應屬英冠級別，今場可謂「大蝦細」，加上近7次交手獲5勝1和佳績，明顯食住史雲頓，主勝屬不二之選。（周三凌晨2時開賽）

雷丁上季喺英冠角逐，不過由於盈利能力及可持續性規則，慘被賽會扣6分，完成所有賽事後，原本佢哋排20位，但扣完分就變成排尾3，要降落甲組作賽，今季亦要再被扣5分。雷丁由中國老闆戴永革擁有，球隊財困問題嚴重，正尋求新投資者，甚至有指已經接觸到買家易手，球員為咗可以喺新老闆嚟嘅時候保住份工，聯賽爭唔到，一定會喺盃賽發圍。事實上，雷丁喺英錦標G組實力鶴立雞群，首戰鬥同樣來自甲組嘅埃克塞特，作客大炒9比0，今場返主場鬥乙組仔史雲頓，更加係不勝無歸。

史雲頓對賽往績輸蝕
史雲頓喺英乙暫時排第9，成績中規中矩，不過近排作客表現麻麻，近5場作客只得3和2負，加上佢哋一向畀雷丁食住，近7次交手雷丁獲5勝1和佳績，今場主Ｗ輕易開出。