西布朗 對 高雲地利 西布朗主場出擊看高一線 軍情 西布朗上仗聯賽鋒線變陣出擊，以積華萊士踢前鋒，年輕翼鋒湯科奴斯及米高莊士東後上攻堅；但眾人腳風麻麻，積華萊士曾有一記射門欠運中柱，今戰或會再度變陣。 高雲地利上仗聯賽防守表現不濟，於上半場連失3球落敗，中堅波比湯馬士更擺烏龍。進攻方面，再次擔任箭頭的艾利斯森斯，表現比之前失色不少。 西布朗 受傷：祖殊馬查（前鋒）、班頓阿辛迪（中場） 停賽：／ 高雲地利 受傷：賓舒夫（中場） 停賽：／ 近況 西布朗上仗英冠作客1比1打和侯城，近6場聯賽只嘗一敗；早前聯賽主場曾5連勝，火力有一定保證，力爭上游爭升班，可以秤先。高雲地利上仗英冠主場0比3大敗予普雷斯頓，早前聯賽3場不敗走勢斷纜；聯賽客戰近績一般，守力不算可靠，今場不值博反彈。 往績 雙方近2次聯賽交手，西布朗全勝；上次勝2比0。