卡爾萬：祖雲達斯「讓主」冇蘭度

「新魯爾」莫拉達弗爆
西班牙金童魯爾訪港踢賀歲波掀起陣陣高潮，不過今晚意甲獨腳戲都有「新魯爾」艾華路莫拉達撐場。呢位祖雲達斯射手最近腳風超順，為?幫「斑馬軍團」出戰歐聯壯行色，今輪主場迎戰近況麻麻又唔齊腳?阿特蘭大，大勝根本冇難度，一於熱捧1.5倍「讓球主勝」！

（TVB301周六凌晨3:45直播）

野獸泰維斯刑滿復出
主場勁煞食嘅「斑馬軍團」，近4場全勝勁轟15球，火力唔講得笑。當中前鋒艾華路莫拉達對上兩圈意盃取得進帳外，近兩輪聯賽正選落場都有斬獲，狀態弗到漏。仲有呀，「野獸」泰維斯坐完波監可復出披甲，呢兩名射手有中場維達爾、派路、保羅普巴等「巴打」鋪橋搭路，實大把入波「餐士」喇！

阿特蘭大三線主將停賽
阿特蘭大可謂屋漏兼逢連夜雨，近5場淨係贏過護級對手卡利亞里，其餘4場輸晒之餘，近兩場加埋更狂失7球。最弊嘅係後賓拿盧安尼上場鬥國際米蘭領紅被逐，今場要聯同黃牌夠數?前鋒賓利拿同中場卡路士卡莫拿齊齊停賽，令三線實力大打折扣，就算守將沙柏哥斯達入幾多波都唔掂喇。