日聯盃：三箭最叻鬥磨吼半和_東方日報

日聯盃4強次回合賽事，廣島三箭返主場再鬥FC橫濱。三箭首回合贏兩粒，今仗唔會同你急，佢哋主場初段最鍾意鬥磨，遇上攻力疲弱嘅FC橫濱，半場和不妨再追。（無綫myTV SUPER周日下午2時直播）文:法達斯維

三箭喺國內兩項盃賽都闖入4強，其中喺上周中日聯盃4強首回合，憑中島洋太朗同中野北斗各建一功，作客輕取FC橫濱2比0，全場9射5中龍，控球亦佔優，贏得極具說服力。三箭依家揸住兩球在手，今仗和波或輸1球都可進身決賽，一定小心為上，何況佢哋主場出擊，初段最叻同對手鬥磨，各項賽事近5次主場，有4次開半場和，其中3次半場開0比0波膽，的確非常謹慎。

FC橫濱作客悶戰居多
FC橫濱喺首回合賽事完全冇得打，而且前線攻力疲弱，各項賽事入得3粒咁大把，要反勝難度好高，加上佢哋喺聯賽仍徘徊下游，疊埋心水打護級好過。FC橫濱近8場作客，全開半場和，預計今仗初段都悶戰居多，一於再揀半場和。