同日H組榜首克羅地亞主場迎擊挪威，「格仔兵團」喺今屆外圍賽攻守平衡，4戰只係失咗1粒，係能夠力壓意大利排喺首名嘅主因，今仗對住喺外圍賽表現同樣不俗嘅挪威，克羅地亞料會繼續以穩字行先，頂多只能取得小勝，細盤可以一博。 （有線61及64台周日凌晨1時直播） 女人睇波梗係睇靚仔o架喇，克羅地亞陣中都有好多型男，好似主帥尼高高華就似足荷里活影星約瑟哥頓利維，而中場兩大將莫迪歷、拿傑迪錫同樣有一頭優雅金髮，再加上瀟灑球技，成個藝術家咁款；中堅洛夫雲就行粗獷路線，健碩嘅身軀加上型爆紋身，搞到唔少女士暈得一陣陣。不過可惜洛夫雲今次因傷未有入選，至於莫迪歷今場雖然可以上陣，不過克軍過去3次操練佢都因病缺席，狀態成疑，而中場新星高華錫就因為膝蓋有傷肯定缺陣，「格仔軍」今場未能夫添出擊，面對硬橋硬馬嘅挪威入波唔慌多，都係捧細為妙。