Yennie ：阿仙奴超人殲滅紅軍

「銀河唯一」基奧特 今晚7:45出動！
英超今晚又有好戲上演！早場先整場「雙紅會」、阿仙奴主場撼利物浦畀大家歎！「兵工廠」近期氣勢強勁，呢支「爭前4專家」目前只係落後曼城1分，搶埋個「二哥」位都唔出奇！利物浦雖然都要爭來屆歐聯入場券，不過佢哋近排損兵折將，殘陣出擊搞到表現跌Watt，阿仙奴今鋪有主場之利，「銀河唯一基奧特」，係時候出動喇，捧1.7倍主勝啦！

「兵工廠」最近真係氣勢如虹，近6場比賽全部贏晒，堅勁！要數最大功臣，就當然係「銀河唯一」啦！基奧特近排狀態弗到冇朋友，近6場球會賽入足6球，呢位法國國腳出到去踢國際賽亦一樣有士哥，想勒都勒唔住！係，基奧特季初長期受傷患困擾，搞到表現飄忽，不過呢位型男傷愈後愈踢愈好，由開季至今已經有13粒英超士哥，只要有佢壓陣，使驚阿仙奴冇波入？

4「兵」傷愈隨時候命
除咗「天際最強人物」，「兵工廠」另一件主力前鋒阿歷斯山齊士，近排狀態都唔錯，加埋復出後極速重拾狀態嘅德國發電機奧斯爾，難怪阿仙奴呢期做咗長勝將軍啦！即使韋碧克有傷未必落場，一樣冇有怕！

仲有一點，就係阿仙奴嘅主場威力超勁，佢哋近10次喺酋長球場出擊豪取9勝，合共攻入26球僅失6球，可以話係攻得又守得！阿仙奴賽前仲有好消息，阿迪達、戴亞比、韋舒亞同迪保治4名長期傷兵已經喺預備組復出，季尾兵源變得雄厚，球員落到場就唔使再就住就住啦！

謝四 史卡迪爾坐波監
相反，作客嘅利物浦就認真慘情喇，「神奇隊長」謝拉特上仗對曼聯食紅牌，今晚要同主力中堅史卡迪爾一齊坐波監，冇咗呢兩個核心人物，「紅軍」戰鬥力肯定大打折扣。今季傷多過踢嘅史杜列治喺上輪聯賽整傷臀部，已經缺席英格蘭國家隊2場比賽，今鋪就算頂硬上都唔慌會有好表現，睇怕利記今晚都難逃輸波厄運咯！

盤路解碼
兩軍近5次交手開4口大，大盤率80%。

Data King：雙紅會旺「帽子戲法」
?利物浦近18次作客阿仙奴，僅得1勝7和10負。

?兩軍交手，頻有球員上演帽子戲法（5次）。

?齋計英超，「兵工廠」主場已取8連勝。