樂比堅尼 ：西布朗易帥升呢 硬淨主場o趙QPR

國際賽檔期後主流聯賽回復正常，值得留意係夏令時間開始，可以冇咁辛苦捱眼瞓，畢竟足球博彩最需要頭腦清醒，唔好睇小呢一個鐘頭時差，往往係勝負關鍵。是日推介英超西布朗，自佩尼斯接手後，西布朗主場硬淨，今晚護級大戰可擊敗昆士柏流浪，讓半一捧上盤。

（now625台周六晚10:00直播）

佩尼斯絕對係英超一位值得敬重領隊，佢過去無論執教史篤城定水晶宮，都喺有限資源下踢出優異成績，嚟到西布朗只有短短3個月，但隊波已有顯著進步，取得5成勝率，主場更6勝1負，勝率高達86%。佢哋目前距離降班區有8分距離，不過佩尼斯坦言今仗對護級前途非常關鍵，3分志在必得，戰意唔使懷疑。

昆士柏放棄態度 作客冇料到
佩尼斯接手後最大轉變，係球員心理硬淨咗好多，爭勝決心比之前大，而戰術上踢法更加直接，擅用兩名高速前鋒伊迪耶同比拉希奴打反擊。由於兩位重心球員上月都係打止痛針上陣，經過國際賽檔期休息後，兩人已回復最佳狀態，對西布朗絕對係好消息。

排尾二嘅昆士柏流浪，降班機會高唱入雲，皆因班主東尼費南迪斯決定閂水喉，搞到前領隊夏利列納都要「跳船」，從球會搵咗欠缺經驗嘅基斯藍斯接手，就睇得出抱半放棄態度。易帥後球隊表現更不濟，最近已連輸5場，連基斯藍斯都話護級成功需要奇迹，呢番說話簡直令人洩氣。

昆士柏流浪陣中不乏大牌球員，但大多已過當打之年，加上呢隊波最大問題係唔齊心，經常各自為戰，所以去到護級關頭完全谷唔起，失波亦為英超之冠，就算前面入埋都唔夠後面輸。今季QPR聯賽作客14場輸咗13場，如果今場突然翻身，除非真係有奇迹啦！

樂比推介：西布朗（上盤）