Yennie：熱刺 般尼大有睇頭

力爭前4 Vs 叉電護級
一隊要爭護級，一隊就要爭前4，可以預期今晚般尼主場鬥熱刺場英超波，雙方肯定毫無保留。今場大戰焦點，唔使問都知係哈利卡尼啦，呢位英格蘭紅星無論踢聯賽定國際賽都入球停不了，般尼點會頂得住佢吖！只係考慮到熱刺作客失波太多，般尼即使輸都有機會破蛋，與其博「熱」W，倒不如轉捧1.75倍入球大仲好！

熱刺新星哈利卡尼今季腳風順到得人驚，連同上仗鬥李斯特城一戰大演帽子戲法，家吓「哈利王子」已經累積攻入咗19個聯賽士哥，加埋佢為英格蘭國家隊首度披甲鬥立陶宛即有波入，個勢順成咁，睇嚟今晚又係佢Show Time啦！

查迪尼：當決賽咁踢
仲有呀，咪忘記熱刺陣中仲有另一位「三獅兵」安祖斯唐辛，呢位「翻版洛賓」今季強勢反彈，有佢同基斯甸艾歷臣為「王子」鋪橋搭路，熱刺實大把到肉埋門！事實上，呢支倫敦勁旅近4仗贏足3場，要入前4爭來屆歐聯入場券仲有價講，中場查迪尼賽前都走出嚟振奮吓士氣，話自己同班隊友都會當餘下8輪英超，係8場決賽咁搏，相信作客都肯定踢得進取。

另邊廂，主隊般尼備受降班威脅，領隊戴治早前趁國際賽檔期帶隊「遊埠」，去到天氣比較和暖嘅西班牙集訓，叉足電返嚟護級。冇錯，般尼今季15次主場賽事只係入得14球，但上月中就試過喺自己地頭爆冷擊敗曼城，證明對住強隊都唔怯場。況且熱刺對上13場英超作客波入面，只係得1場保得住清白身，今仗繼續有首席門將洛里斯倦勤，般尼要撕破熱刺大門唔係冇機，咁嘅環境，梗係博入球大、坐定定等收錢啦！

盤路解碼
熱刺連續4場聯賽開入球大。

Data King：熱刺客戰例失波
?般尼連續5場開半場細。

?今季3次對賽般尼得1和2負。

?熱刺近13場聯賽作客得1次保持清白身。