SAMVO肥叔：拉素7連勝安心捧

由於英超、西甲、德甲等名牌聯賽受普羅球迷歡迎，投注額偏高亦屬正常，但唔代表其他聯賽冇筍嘢，好似上周中蘇超開快車，其中一仗下游球隊羅斯郡主場迎戰前列分子聖莊士東，理應強弱分明，但最初開出平手盤已經怪怪哋，其後羅斯郡仲不斷有飛落，由八水跌到得番六水，搞到莊家轉埋盤羅斯郡要讓平半添，不過你咪理，羅軍最終小勝1比0，果然飛到波到。

愛奴吔「包」趁早買
講番今晚重心推介場次，係意甲「藍鷹」拉素主場迎戰安玻里，「藍鷹」唔單止近九仗不敗，仲贏咗八場，包括聯賽七連捷，令佢哋殺上第三，爭取下屆歐聯入場券形勢大好，安玻里又冇乜護級壓力，Hea踢唔奇，以拉素咁強勁嘅勢頭，初盤要到讓一球都算合理，肥叔認為上盤乃不二之選。

（周日晚9時開賽）

至於西甲愛斯賓奴主場對畢爾包，愛奴上周中快車勇挫維拉利爾，走出五場不勝困局，今仗對「巴斯克雄獅」落飛要讓平半，睇嚟贏得。

（周日晚11時開賽）

大戶動向
肥叔縱橫足球博彩界多年，先鋒地位誰可代替？更摸清各路大戶投注取向，市場動態盡掌握！