劉舜文：打吡戰似捉象棋 車馬炮大戰士象卒

大家引頸以待的歐聯8強大戰，今晚正式揭開戰幔，其中上屆決賽翻版「雙馬戰」馬德里打吡相信是全球矚目的大激鬥！雖然兩隊交手無數次，彼此了解甚深，但別以為會踢得好開放，預期首回合兩軍會以互鬥少犯錯為首要目標，入球未必多，但是我確信，這會是場充滿張力的「象棋戰」。

皇馬作客唔係咁醒
還記得上屆決賽，皇家馬德里幾經辛苦下才於加時4比1反勝馬體會。不過馬體會今屆6次面對有齊「最強車馬炮」的皇馬，卻取得4勝2和不敗的重要成就，上次聯賽更加主場4球大炒對手，教練施蒙尼能使一眾球星，化身成為11隻硬淨非常的「士象卒」的功力，小弟實在拜服。

事實上，馬體會最近6場主場只失1球，今屆3次於卡達朗球場迎戰皇馬竟未失一球，而於歐聯8戰亦只失4球，防守力驚人，上屆決賽「飛象過河」攻破皇馬大門的中堅高甸，今晚亦有望復出，有助減低

被「將軍」的機會。
皇馬上仗聯賽收起輕傷在身的加里夫巴利，賓施馬、丹尼爾卡華積、卡斯拿斯、卻奧斯、占士洛迪古斯等主力亦分別因休息及停賽缺陣，讓足「車馬炮」下，仍能以3球大勝伊巴。

不過，此戰跟9比1大炒格蘭納達的賽事一樣，皇馬是有主場之利兼且對手太弱，相反近期作客對華歷簡奴、巴塞隆拿及畢爾包，其入球數字都偏低。

首回合預咗入球少
觀乎今屆6次「雙馬戰」，入球時多時少，但單看他們在「西班牙超級盃」及「國王盃」的對戰，雙方都是首回合比較謹慎，交收亦較少。今次又來一次兩回合的「象棋戰」，預期首回合雙方同樣小心為上、避免犯錯導致提前「冇棋」，到次回合才因應比數及形勢豁出去，殺個痛快。