阿占：歐聯8強次回合Action! 皇馬C朗孭飛踩扁里

「馬德里打吡」歐聯8強生死戰今晚爆發！皇家馬德里首回合同馬德里體育會踢成0:0，連續第7次贏唔到對手，賽前更受連串傷兵打擊，不過我仍睇好佢哋返主場可破宿命！皆因皇馬人才濟濟，加上巴利缺陣「銀河艦隊」戰績仲好，C朗又可以盡情發揮，點睇都有力踩扁同市宿敵馬體會晉級，今場捧1.73倍主勝！（有線61、64、201及203、中央5台周四凌晨2:45直播）

雖然皇馬上星期喺首回合作客，但全場控制戰局，如果唔係馬體會門將奧比歷「上身」屢救險球，皇馬可能上半場已經領先！雖然最終冇入波，但積極嘅表現畀到人好大信心，尤其占士洛迪古斯復出後愈踢愈好，加埋卻奧斯令皇馬中場攻守串連極具效率，一招以柔制剛，隨時令馬體會粗野嘅防守戰術冇得發揮。

馬體會歐洲最佳防中停賽
冇錯，加里夫巴利、莫迪歷上場聯賽受傷肯定唔踢得，賓施馬亦趕唔切復出，不過皇馬勝在兵源充足，查維亞靴南迪斯同艾斯高每次頂上都交到貨，至於巴利受傷更加係「好消息」，原來佢今季缺陣嘅7場波，皇馬竟然全部贏晒狂入27球，平均每場入近3.9球，難怪有傳聞話C朗唔妥巴利，今場獨挑大樑隨時更有利發揮！

皇馬今場有馬些路停賽，不過由艾比路亞或法比奧干查奧頂上，問題都唔大，反而馬體會嘅馬里奧蘇亞雷斯坐波監就大鑊啲！馬里奧蘇亞雷斯係下半季全歐洲表現最好嘅防中球員之一，係施蒙尼防守戰術嘅關鍵人物。縱然有老將堤亞高文迪斯停賽復出可以補上，但點都唔夠佢咁穩陣，前鋒文迪蘇傑尋日仲扭傷足踝冇操添。何況馬體會有上屆歐聯決賽加時輸波嘅陰影，今場作客，難免被睇低半線。

盤路解碼：近4場「馬德里打吡」全開「入球雙」。

頂占筍盤：皇家馬德里（主勝）

Data King：馬德里打吡旺半和
?皇馬今屆歐聯4戰主場斬獲13球，每場平均取得3.25球。

?馬體會今屆歐聯4場作客得1勝1和2負。

?雙方近5次對決有4次開出「半場和」。