法達斯維 ：關鍵6分波捧李城上盤啱素

由尾4嘅「狐狸」李斯特城主場對14位嘅「喜鵲」紐卡素。「狐狸」之前連贏4場重現生機，相反「喜鵲」Hea踢搞到連輸7仗，依家仲未安全上岸，呢場護級6分波，斯維信李斯特城鬥心贏晒，小讓平半仍然值捧。

（now 621周六晚7時45分直播）

李斯特城主帥皮雅臣一向脾氣火爆，曾試過向水晶宮中場麥亞瑟叉頸差啲被炒，周中補賽以1比3反輸畀車路士後心情勁差，疑因不滿記者有關「狐狸」負評嘅提問，暗斥對方係將頭埋喺沙土裏嘅鴕鳥，事後佢亦認衰耍冧。但正正係皮帥呢團火重燃眾將嘅爭勝決心，之前連贏韋斯咸、西布朗、史雲斯及般尼，令「狐狸」由包尾跳番上尾4，護級重燃希望。

紐卡素7連敗難反彈
另一邊廂，紐卡素以為夠分上岸，自3月頭開始Hea踢，結果搞出個7連敗，再被捲入降班漩渦，最弊係年初接替柏祖做過渡教頭嘅卡華唔夠卡士，球員唔聽佢支笛，結果屢戰屢敗令陣內士氣低落，想喺短時間內反彈亦非易事。而且經過7連敗後，「喜鵲」只比李斯特城多4分咁大把，而狀態、鬥心同士氣都輸晒，李斯特城如贏波即可拉埋紐卡素落水，此消彼長下，「狐狸」今仗小讓平半兼低水，寧買當頭起，上盤有買趁早。