阿甲 05:15 （日）75 小保加 Vs 河床 今晚阿甲爆發「超級經典打吡」，小保加喺主場火併河床，呢對宿敵向來有你冇我，日前河床不敵颶風隊失落阿超盃，小保加擁躉即改圖抽水，將河床嘅吉祥物大公雞變甩毛雞，兩軍今次正面交鋒，勢必擦出唔少火花，但從投注角度出發，兩軍為面子肯定唔敢進取，1.54倍入球細係不二之選。 呢對宿敵家陣喺阿甲同樣7勝3和未輸過，雖然計埋失球數字嘅話，小保加係略勝一籌，但佢哋近年鬥河床勝出率唔高，就算主場出戰都冇必勝把握。雖然今場勝負難料，但佢哋近17次喺聯賽碰頭，得3場波出現多過兩個入球，證明兩軍寧願悶和都唔好輸，費事畀球迷喪插，呢場波個入球細超好路！