聖日門陣前迷“蒙”     法甲巴黎聖日門今晚作客蒙彼利埃，大巴黎人腳超晒班，只是近年作客蒙彼利埃未贏過，再踏客途三分唔穩陣。     聖日門經歷季初尼馬出走門事件、卡雲尼及麥巴比輪流受傷後，近月終於齊腳夫添出擊，尼馬亦用表現、入球爭取贏回球迷的心。加上伊卡迪持續勇態、麥巴比踢回狀態，強如卡雲尼亦要在後備席等待機會。加上迪馬利亞、沙拿比亞等側擊好手出現人滿之患，教練杜查遇上幸福的煩惱。挾各項賽事五場不敗（四勝一和）的強勢，客場出擊劍指三分。     蒙彼利埃近六輪聯賽兩勝四和未輸過，暫積廿四分排第六位，兩分落後第三的波爾多，繼續贏波有機會取得來屆歐冠資格。雖然球隊人腳名氣不大，但近三次主場鬥大巴黎兩勝一和，球員心理有優勢，再度交手有力一拼。