瑞典盃:哥登堡馬模半和好路

哥登堡馬模半和好路周四晚瑞典盃決賽大戰，兩支老牌勁旅哥登堡同馬模爭逐冠軍寶座。雖然兩隊今季聯賽排名一個地一個天，不過一場過決賽點都係穩陣行先，哥登堡防守力唔弱，上半場可以頂得住，2.05倍半場和好路。(周四晚11時45分開賽，馬會網上文字直播)哥登堡今季聯賽成績令人失望，目前僅排喺第11位，相反馬模連贏4場後已升上第2位，雖然馬模氣勢強勁，不過一場定生死嘅冠軍戰，馬模絕對唔敢鹵莽進攻，佢哋喺4強戰對米贊比就只能踢成0比0平手，最終靠互射12碼殺入決賽。哥登堡牌面雖然處於下風，不過球隊近4場賽事均打和，絕非不堪一擊，而且今仗決賽始終有主場之利，可望同馬模進一步拉成均勢。哥登堡防守能力不俗，今屆瑞典盃6仗只失2球，馬模要入波唔係易事，而且翻查往績，哥登堡近3次對馬模半場均開出0比0，今場一於博「半場和」。