薩克達贏質“素”

    薩克達贏質“素”

    歐霸盃八強，兩支歐陸勁旅互撼，烏超王者薩克達迎戰瑞士班霸巴素利。兩軍近況同樣不俗，薩克達人腳佔優，有力睇好爭勝晉級。

    兩支歐冠常客在歐霸八強相遇，薩克達鬥巴素利，前者人腳稍高有力睇好。薩克達近況不俗，十六強大勝禾夫斯堡晉級，狀態士氣同樣好。陣中射手摩拉斯、泰臣、馬路斯等進攻火力夠強，連同友賽在內，近五戰失三球，門將比耶杜夫領導防線亦交足功課。薩克達強攻之下，有力睇好贏波晉級。

    卡帥：場場硬仗

    薩克達主帥卡斯特路激勵球隊：“我們經歷了一段非常艱辛的日子，未來每一戰都會是硬仗。球隊在今季踢過十場歐洲賽事。事實上，我們只是輸過曼城兩仗。無論對手是誰，就算贏面幾低，我們都會盡全力爭勝。毫無疑問，勝利是我們今仗唯一目標。”

    巴素利近況不差，儘管和多過贏，但上戰一球踢走法蘭克福晉級，終止三連和重振士氣。惜巴素利人腳始終不及薩克達，艾迪美、艾科亞、費爾等進攻火力不俗，但明顯與薩克達有距離，今中立場一戰定生死，巴素利要爭勝晉級不容易。