日聯:水手有前冇後博大霧

水手有前冇後博大霧2020/08/26文:邪神今晚日職尾場，衞冕嘅橫濱水手主場鬥北海道札幌岡薩多。水手開季戰績欠佳，全因攻守失衡；岡薩多同樣防守不穩，近期多同對手演入球騷，捧中位數3.5球大盤。（有線662及602台周三晚6時30分直播）水手今季未能延續上季封王強勢，雖然前鋒馬高斯祖利亞、祖利亞山度士及中場天野純保持水準，可惜過於重攻輕守，導致防守弱不禁風，開季至今12戰勁失20球，只得3場保持清白之身，導致排名令人失望。水手上場主場迎戰廣島三箭，憑巴西箭頭馬高斯祖利亞入波領先半場，不過下半場初段即畀客軍李安度彭利拿追平，幸好其後祖利亞山度士及艾歷利馬各建一功，結果贏3比1。前仗聯賽作客清水心跳，水手又係鬥攻下險勝對手4比3，有前冇後踢法可見一斑。岡薩多近期不設防同處中游嘅岡薩多近況不濟，近4場聯賽只得1和3負之餘，防線更狂失13球，包括對川崎前鋒慘敗1比6，防線猶如不設防。岡薩多上輪聯賽雖輪空，但防守問題非一時三刻可以解決，今仗要保清白身非易事，加上佢哋近5場聯賽，有4次總入球達4球或以上，包括上月尾主場贏水手3比1，今場3.5球大盤值得再追。