蘇超:鴨巴甸受讓咪走寶

鴨巴甸受讓咪走寶喜伯年遇強腳軟今輪蘇超壓軸之戰，喜伯年主場對鴨巴甸；今季成績令人驚喜嘅喜伯年，5場聯賽取得4勝1和，但要留意佢哋近期火力略為下降，今場讓波有暗湧，特別係鴨巴甸取得3連勝，有力全身而退，建議捧鴨巴甸讓球客勝。（myTVGold301、Now638、有線654及614台周日晚11時30分直播）喜伯年係威係勢，近5場聯賽贏4場，但其實「水分」甚高，因為當中有2場對手係魚腩球隊，包括基爾馬諾克及利雲斯頓。雖然開靚個頭，但喜伯年近期開始遇到較具實力球隊，明顯陷入苦戰，包括主場悶和馬瑟韋爾0比0，另外2場都係小勝1比0，其中上場對聖莊士東，要踢到補時博到12碼先至入波奠勝，贏得非常驚險。由於前鋒奇雲尼斯畢大腿筋傷患未康復，鋒線靠地莊人腳，以喜伯年近3場只入2球嘅疲弱火力，今場要攻破鴨巴甸大門，並唔容易。對賽往績鴨軍秤先另一邊廂，鴨巴甸剛於上周中歐霸盃外圍賽以6比0大勝NSI魯納維克，各項賽事合共取得3連勝，狀態不在喜伯年之下。事實上，鴨巴甸近年對喜伯年，成績都佔得上風，雙方近6次交鋒，鴨巴甸取得4勝1和1負，就算佢哋近5次作客喜伯年，都有4次不敗而回，加埋守將干斯甸尼波監刑滿復出，防線更加穩健，所以鴨巴甸今場受讓好着數，讓球客勝咪走寶。