日聯:東京求反彈衝散紅鑽

東京求反彈衝散紅鑽2020/09/30文:法達斯維今晚日職快車尾場，浦和紅鑽主場迎戰3哥FC東京。紅鑽狀態曳到爆，仲有主力關根貴大坐波監，更加靠唔住；東京上仗意外輸波，難得遇弱正係反彈好時機，作客讓波擺明有計，上盤值博。（有線661及601台周三晚6時30分直播）關根貴大停賽紅鑽頭痕老牌勁旅紅鑽今季跌晒Watt，唔單止日聯盃已出局，近8仗聯賽輸咗4場，其中近3仗主場未贏過勁失7粒，毫無主場威力，依家淪為中游分子。雖然箭頭李安納度拿斯文圖今季聯賽有9球進帳，但其他隊友未能分擔入球重任，當佢被盯死後進攻即死晒火。最慘係呢位射手近期亦狀態下滑，連續6仗食白果，難怪紅鑽繼續下沉喇，加上中場主將關根貴大要停賽，實力再打折扣。FC東京上仗爆冷輸畀鳥棲砂岩，相信係一時失手。查實佢哋近8仗聯賽獲5勝1和2負，走勢唔曳，雖然今仗亦有射手迪亞高奧利華拉坐波監，但仲有巴西同胞艾達頓杜斯山度士同韋法臣李安度撐住，今仗造訪沉到爆嘅紅鑽，必趁機博反彈，作客讓平半信心之舉，上盤捧得過。