歐國聯:西班牙讓客克敵

西班牙讓客克敵今晚另一場歐國聯Ａ4組賽事，烏克蘭主場硬撼榜首西班牙。烏克蘭飽受疫情困擾，陣容不整下輸完又輸，成班波信心盡失，「狂牛」重用安素法迪等新仔，個個表現搶韁，況且近年碰頭食住烏克蘭，有力大勝攞威，讓球客勝好路。（香港開電視77台、有線662、602及603台周三凌晨2時45分直播）烏克蘭多人確診輸到慌查實烏克蘭自名宿舒夫真高接掌後，表現持續進步，包括取得下年歐國盃入場券，並喺今屆歐國聯首輪擊敗瑞士，可惜次輪作客西班牙即吞4蛋。今個月烏克蘭爆發「薩克達群組」，包括門將比耶托夫在內嘅6名薩克達球員，確診新冠肺炎被迫退隊，陣容天殘地缺。之後再有2名門將盧連及彭堅夫亦受感染，惟有起用毫無經驗嘅布斯真把關，佢首場國際賽對法國即狂失7粒，上場歐國聯面對德國，佢又出迎甩手導致失波，最終輸1比2，咁樣輸法自然冇晒信心。另一邊廂，西班牙主帥安歷基敢於提拔新人，安素法迪、費倫托利斯、奧耶沙巴爾等輪流發威有士哥，米基爾馬連奴、荷西加耶、丹尼爾奧莫都交到貨，後備席仲有奇兵艾達馬查奧爾候命，個個生牯仔急於爭取表現，令「狂牛」今屆歐國聯頭3戰取得2勝1和，位居Ａ4組榜首。睇番兩軍近5次碰頭，西班牙全部贏晒，且狂轟12粒，明顯格食格，讓球客勝有買趁早