世盃歐洲區外圍賽Ｃ組，丹麥主場迎戰蘇格蘭。丹麥整體實力係小組最強，係出線大熱，佢哋近年大賽成績穩定，上屆歐國聯成功打入8強，極具效率嘅踢法，令丹麥對住任何球隊都有一戰之力。今仗喺地頭對住實力低一班嘅蘇格蘭，主勝穩陣。 （周六凌晨2時45分開賽）文:工廠仔 丹麥喺上年歐國盃殺入16強，前賓福特助教列馬接任領隊後，球隊增添一份務實作風，加上柏德列多古、米卡比亞利夫及韋利安奧索拿等新星冒起，6月份嘅熱身賽連贏北愛爾蘭同大炒立陶宛，可見球隊依家狀態唔差，戰鬥力值得信賴。