瑞典超：遇強唔會縮諾高平大騷可期_東方日報

周二凌晨瑞典超焦點戰，諾高平主場硬撼ＡＩＫ蘇納。ＡＩＫ蘇納雖然實力贏諾高平幾條街，但每次碰頭經常鬥得激烈，入波又多充滿娛樂性，今仗隨時又合演入球騷，3.5球大盤更值博。（周二凌晨1時10分開賽）文:法達斯維

ＡＩＫ蘇納4連勝勁弗
諾高平依家徘徊中下游，踢咗23輪輸咗11場，總共失咗44粒，防守堅唔穩陣喎。不過佢哋都有樣嘢好，就係主場出擊關乎面子，喺自己球迷面前例必踢得主動，近4場主場獲得2勝2負，共入5球但失8球，就算遇強都唔會龜縮，而且佢哋距離降班區足足甩開10分，護級壓力唔大下照攻可也。

另邊廂，ＡＩＫ蘇納不但位居前列，各項賽事豪取4連勝，仲狂轟12粒，明顯係以攻代守。雖然係咁，但佢哋客場成績麻麻，近4次作客2勝2負，加上雙方近年交手亦絕非一面倒，近4次碰頭大家各贏2次，合共炮製咗20個士哥，有3次開4球或以上，包括上次交鋒ＡＩＫ蘇納激戰下險勝4比3，可見無論邊隊贏波，多數都會合演入球騷，不妨進取啲，捧3.5球嘅入球大。