女歐聯：球后助陣！巴塞大鬥拜仁_東方日報

女歐聯首輪大戰，巴塞隆拿女足火併拜仁慕尼黑女足。巴塞女足有「球后」邦瑪迪助陣，火力全開，拜仁女足近況亦弗，唔怕同巴塞女足鬥攻，隨時合演入球騷，中位數3.5球大盤有計。（Now 638周三凌晨3時直播）

西甲班霸6場轟31球
巴塞女足一向擅打歐聯，連續5屆殺入決賽之餘，更在其中3屆封后，上屆喺決賽倒灶輸畀阿仙奴女足，今屆誓要捲土重來。巴塞女足最強武器，梗係王牌邦瑪迪，呢位西班牙中場連奪3屆金球獎，加埋佢好拍檔佩泰娜絲，攻力有保證，呢支西甲班霸唔單止開咧頭6場聯賽贏晒，仲狂轟31粒，其中5場開4球或以上，今場唔愁冇波入。

另邊廂，拜仁女足亦非善類，雖然喺歐聯唔及巴塞女足咁勁，但論近況絕對唔差，開咧後頭6場本土賽豪取5勝1和，並攻入15球，呢支德甲勁旅上屆歐聯亦闖入8強，可惜畀傳統強隊里昂女足踢出局，不過以佢哋咁弗嘅開局，就算對住巴塞女足都未驚過，何況巴塞女足對任何球隊都係進攻行先，今仗實多波入。