Mic少 ：歐聯8強首回合 祖雲達斯-1趁熱食

主場專烹法國兵 摩納哥有難
歐聯8強首回合，祖記降「摩」有「法」！祖雲達斯歷史上重用法國兵，亦剋死法軍，球隊歐戰史上11次主場法國球隊，獲得9勝2和壓倒性優勢，10次淘汰賽鬥法國球隊更加全數晉級。祖雲達斯今仗迎戰摩納哥，未踢已先贏信心，1.38倍主Ｗ大熱有道理，博好分可直取2.3倍讓球主勝。

（有線62及202台周三凌晨2時45分直播）

聯賽衰咗 贏波省招牌
祖雲達斯喺歐聯最光輝日子，正係兩代法國球王柏天尼同施丹孭飛嘅時期，依家則有保羅普巴。雖然呢位新星仍然養傷，但仲有大勇嘅馬治斯奧、維達爾、羅拔圖佩雷拉支撐大局，中場攻守能力並非受大太影響。祖記今屆亦有運8強抽中對摩納哥，事關「斑馬兵團」過往一向食住法甲球隊，包括上屆歐霸盃8強兩回合「雙殺」里昂。

即使撇開「剋法」往績，祖記整體實力亦凌駕摩納哥，前鋒泰維斯今屆已轟入6球，上圈兩鬥多蒙特，個人獨取3球。教練阿里基上仗聯賽收起呢位阿根廷國腳及多位主力，搞到出醜輸畀帕爾馬，今仗更加要贏波證明「留力」策略係值得。

摩納哥兵財皆缺冇運行
摩納哥爆冷入到8強，歸根究柢都係上圈對手阿仙奴「發波瘟」，首回合輸壞個頭令摩納哥有機可乘。事實上，次回合兵工廠踢回水準，摩納哥就算有主場之利都吞兩蛋，證明呢支法甲「偽豪門」並非真材實料。摩納哥喺聯賽前3位置不穩，有後顧之憂，球會受財困影響，導致球星法卡奧、占士洛迪古斯離隊，人腳並唔充裕，難以長期兼顧雙線作戰，加上40歲少帥查甸歐聯經驗亦不足，今次去到意大利比賽恐怕冇運行。