季尾波打士氣係人都知，伊奧維上仗打和諾士郡後已經篤定降班，咁快又要快車上陣，球員邊度有心踢吖？相反伊奧維今仗對手錫菲聯要爭升班附加賽資格，最後幾場必搏甩脾，講戰意已經贏晒，面對伊奧維仲唔踩多腳，客W可取。 （周三凌晨2時45分開賽） 伊奧維篤定降班冇心機 伊奧維上周六對諾士郡係護級最後機會，要全取三分先有價講，結果佢哋領先之下，下半場被追和，宣布護級失敗。不過其實伊奧維領先嗰球，都係對方擺老烏，球隊破門乏力，連埋呢粒烏龍球，近7仗只係入咗4球，成季踢咗42場只入得32球，冇入球能力嘅球隊點贏波吖，降班其實好合理。 相反，錫菲聯近仗頻頻搶分成功，連續16場有士哥，自今年2月開始保持喺聯賽前五，依家比第7位嘅羅奇代爾多8分，佢哋剩番4輪，爭玩升班附加賽唔算太穩陣，難得遇到洩咗氣嘅伊奧維，唔搶三分都對唔主自己啦，客W有買趁早。