美斯謙：金絲雀博直升起筷

紅牛否認收購列斯聯洩氣
歐聯踢8強首回合，「南美歐聯」嘅自由盃聽朝亦有幾場分組賽上演，其中阿甲球隊競賽會主場對委內瑞拉球隊塔奇拉，競賽會主場表現一向有保證，近6仗贏咗5場，加上主力射手迪亞高米列圖上場聯賽休戰，明顯留力應付呢場自由盃，阿謙睇好競賽會可以喺主場大勝一仗，今仗一於直取讓球主勝。

（周三早上8時15分開賽）

競賽會今季雖然要同時應付聯賽同自由盃兩條戰線，但表現唔錯，各項賽事夾埋只係輸過3場，而且近6仗主場贏咗5仗，可見球隊喺自己地頭出戰特別醒神。

迪亞高米列圖抖夠搏殺
競賽會剛喺聯賽輕取颶風隊，兩位球隊主力射手古斯達禾保奧同迪亞高米列圖都冇正選上陣，古斯達禾保奧雖有後備披甲，但都係以輕舒腳頭為主，前國米射手嘅迪亞高米列圖更喺冇任何受傷嘅消息下連後備都冇份，可見球隊一心收埋佢，留番喺呢場自由盃搏殺，雖然已出線，但似乎爭勝意慾仍然好大。

塔奇拉喺分組賽未贏過波，只和過3場，實力如何大家都心中有數，球隊主場迎戰競賽會時更慘吞對手5蛋，可想而知佢哋根本唔夠班踢自由盃。塔奇拉自上仗自由盃主場打和士砵亭水晶後，一直未有進行賽事，球隊雖然畀剛踢完聯賽嘅競賽會有多幾日時間準備，但實力始終同競賽會有一段距離，今仗作客都係等炒，直接捧讓球主勝啦！